ຫຼັກສູດການສຶກສາ IB ມີຄຸນຄ່າຢ່າງສູງຕໍ່ກັບນັກຮຽນ ເນື່ອງຈາກວ່າຫຼັກສູດດັ່ງກ່າວແມ່ນເນັ້ນໜັກການໃຊ້ແນວຄິດ ແລະ ສະຕິປັນຍາຂອງຜູ້ຮຽນ ໃນການພິຈາລະນາສິ່ງຕ່າງໆຢ່າງສົມເຫດ ສົມຜົນ, ສ້າງໃຫ້ນັກຮຽນມີແນວຄິດທີ່ສ້າງສັນ, ແລະ ມີທັກສະການແກ້ໄຂບັນຫາທີ່ດີ  ເຊິ່ງເປັນສິ່ງທີ່ຈໍາເປັນໃນໂລກປະຈຸບັນນີ້ທີ່ມີການພັດທະນາຢ່າງຕໍ່ເນື່ອງ. ນັກຮຽນຈະໄດ້ຮັບການຊຸກຍູ້ໃຫ້ມີການໃຊ້ແນວຄິດຢ່າງອິດສະຫລະ, ມີການຊຸກຍູ້ໃຫ້ຕັ້ງຄຳຖາມກັບສົມມຸດຕິຖານ ແລະ ການພັດທະນາທັດສະນະຄະຕິທີ່ເປັນເອກະລັກຂອງຕົນເອງຂອງນັກຮຽນ. ໂຄງການສຶກສາຂອງຫຼັກສູດ IB ດັ່ງກ່າວໄດ້ຮັບການຍອມຮັບ ແລະ ໄດ້ຮັບຄວາມເຊື່ອຖືຈາກຫລາຍໆປະເທດ ກໍ່ຄືລະດັບສາກົນນັ້ນເອງ ເຊິ່ງເປັນການເປີດໂອກາດອັນຫຼາກຫຼາຍໃຫ້ນັກຮຽນທັງໃນດ້ານການສຶກສາທີ່ຈະໄປຕໍ່ໃນລະດັບມະຫາວິທະຍາໄລ ແລະ ຄວາມຈະເລີນກ້າວໜ້າໃນດ້ານອາຊີບການງານ. ນັກຮຽນທີ່ສໍາເລັດການສຶກສາຫຼັກສູດ IB ນີ້ຈະມີຄວາມພ້ອມທີ່ດີໃນການທີ່ຈະປະສົບຜົນສໍາເລັດໃນໂລກແຫ່ງຍຸກໂລກາພິວັດ ແລະ ຈະເປັນບຸກຄົນທີ່ເປັນທີ່ຕ້ອງການ ຂອງ ມະຫາວິທະຍາໄລທີ່ມີຊື່ສຽງ, ແລະ ບໍລິສັດຊັ້ນນຳຕ່າງໆໃນໂລກ.

ໂຮງຮຽນໃຫ້ຄວາມສຳຄັນ ກັບ ຄວາມຮູ້ສຶກຂອງສັງຄົມ, ມີຄວາມຮັບຜິດຊອບຕໍ່ສັງຄົມ ແລະ ໃຫ້ການບໍລິການຕໍ່ຊຸມຊົນ ເຊິ່ງສິ່ງເຫຼົ່ານີ້ຈະຊ່ວຍໃນການພັດທະນາບຸກຄະລາກອນ ກໍ່ຄືການສ້າງນັກຮຽນໃຫ້ມີຄວາມຮູ້ຮອບຕົວ, ມີຄວາມມຸ່ງໝັ້ນໃນການສ້າງຜົນສະທ້ອນອັນດີໃຫ້ແກ່ໂລກ.

ໂດຍສະເລ່ຍແລ້ວ, ນັກຮຽນທີ່ຮຽນຫຼັກສູດແບບບັນດິດສາກົນ ຫຼື ຫຼັກສູດການສຶກສາ IB ມີໂອກາດສູງກວ່າ 18% ທີ່ຈະໄດ້ເຂົ້າຮຽນໃນມະຫາວິທະຍາໄລທີ່ມີຊື່ສຽງ ເຊັ່ນ ມະຫາວິທະຍາໄລ Ivy League ແລະມີໂອກາດສູງກວ່າ 22% ທີ່ຈະໄດ້ເຂົ້າຮຽນໃນມະຫາວິທະຍາໄລຊັ້ນນຳໃນທົ່ວໂລກ.